Har bir xonasi amaliylik, qulaylik va zamonaviylikni uyg‘unlashtirgan, oila uchun ideal xonadon.
Ushbu loyiha shuni ko‘rsatadiki, individual dizayndagi mebel katta oila uchun mo’ljallangan xonadonning interyeri asosiga aylanishi mumkin. Har bir buyum aynan shu makon uchun yaratilgan: oshxona garnituridan, mehmonxona, bolalar xonasi va yotoqxonalardagi saqlash tizimlarigacha. Shu sababli interyer uyg’un, puxta o’ylangan va funksional bo‘ldi.
Xonadonda har biri o’z vazifasiga ega ikkita mehmonxona mavjud. Birinchi mehmonxona qulay saqlash va makonni tashkil etishga e’tibor qaratilgan holda bezatilgan. TV-zona ULTRADECOR LDSP tumba va konsol yordamida yaratilgan. Yopiq shkaflar tartibni saqlashga yordam beradi, yuqori sifatli HETTICH jihozlari esa oson va shovqinsiz foydalanishni ta’minlaydi. Shu zonada katta stol va qulay stullar bilan ovqatlanish guruhi joylashgan bo‘lib, u oilaviy ovqatlanish uchun qulay joyni hosil qiladi.
Ikkinchi mehmonxona esa yopiqroq muhitda tashkil etilgan bo’lib, modulli mebel yordamida xona funksional zonalarga bo‘lingan. Qarama-qarshi tomonda devor bo‘ylab konsol bilan TV-zona joylashgan. Yon tomonda ALUFRAME shisha fasadli va ichki yoritgichga ega shkaf-penallar o‘rnatilgan bo‘lib, bu interyerni vizual yengillashtiradi va makonga yanada boyitadi.
Oshxona maksimal funksionallikka ega zonadek loyihalashtirilgan. Garniturlar ikki devorga joylashtirilgan, yuqori shkaflar shiftgacha yetadi, bu esa unumli saqlash hajmini oshiradi. Fasadlar Frente va ALUFRAME kollektsiyalaridan tayyorlangan, stol esa mustahkam va xavfsiz HPL materialidan ishlangan. Shkaflarning ichki to‘ldirilishi HETTICH va ITALIANA FERRAMENTA jihozlariga asoslangan bo‘lib, bu mexanizmlarning silliq ochilishini va uzoq muddat xizmat qilishini ta’minlaydi.
Bolalar xonasiga alohida e’tibor qaratilgan. Xona yotoq va ish zonalariga bo‘lingan. Dam olish zonasida ko‘taruvchi mexanizmli karavotlar mavjud bo‘lib, ularning ichida choyshab va o‘yinchoqlarni saqlash mumkin. Ish zonasi uzun stol, tortmalar va osma shkaflar bilan jihozlangan bo‘lib, bolalarga bir joyda o‘qish, o‘ynash va ijod qilish imkonini beradi.
Yotoq xonalari yorug‘ va sokin rang palitrasi bilan bezatilgan, bu xonalarni vizual jihatdan kengroq qiladi. Asosiy element — ikki kishilik karavot va yon tumbalar. Shuningdek, ichki shkaflar, qulay tortmalar va TV uchun konsol, kiyinish stoli bilan birlashtirilgan. Saqlash tizimi shunday puxta o‘ylanganki, tartibni saqlash oson, mexanizmlar esa silliq va shovqinsiz ishlaydi. Ikkinchi yotoq xonasida buyurtmachi xohishiga ko’ra xuddi shunday mebel o‘rnatilgan, bu esa interyerning uyg‘unligini saqlaydi.
Ushbu loyiha buyurtma asosida tayyorlangan mebel nafaqat interyer uchun element, balki qulay hayotning asosi bo‘lishi mumkinligini ko‘rsatadi. Har bir yechim oilaning odatlari, xonadon rejasining o’ziga xos jihatlari va uzoq yillar xizmat qilish talablarini hisobga olgan holda ishlab chiqilgan. Bu yerda mebel shunchaki makonni egallamaydi — u yashashga, ishlashga, dam olishga va har kun o‘zini uydadek his qilishga yordam beradi.