56 373
mijozlar DAFNA xayriya loyihalarining ishtirokchilari bo‘lishdi
Xayrli ishlar DAFNA bilan birga
Bizning xayriya loyihalarimiz — bu g‘amxo‘rlik, mas’uliyat va atrofimizdagi hayotni: odamlar, tabiat va jamiyat uchun yanada yaxshiroq qilishga bo‘lgan intilish haqidagi hikoyalardir.
1 146 914
mahsulotlar sotildi, sotuvdan tushgan mablag‘larning bir qismi NNTga yo’naltirildi
Bizning asosiy maqsadimiz
xayriya ishlarini har bir kishi uchun oson qilish va muhim ijtimoiy hamda ekologik muammolarni hal qilayotgan notijorat tashkilotlar uchun tayanch bo‘lib xizmat qilish. Biz ishonamizki, haqiqiy yaxshilik birdamlik va hamkorlikda yaratiladi. Faqat birgalikda qilgan harakatlarimiz bilan biz dunyoni va hayotni muhtoj bo’lgan insonlar uchun qulayroq qilamiz.
Bizning faoliyatlarimiz
Ona Foundation
Dafna Ona Foundation xayriya jamg‘armasini qo‘llab-quvvatlaydi. Bu jamg‘arma murakkab hayotiy vaziyatlarga tushib qolgan ayollarga yordam beradi. Jamg‘arma qadriyatlari va maqsadiga sherik bo’lgan holda, har bir sotuvdan tushgan mablag‘larning bir qismini uylarni ta’mirlash, ish o‘rinlarini yaratish va boshqa turdagi yordamga yo‘naltiramiz.
Eko-harakat “Qahramonlar vaqti”
Dafna Madina Mo’minovaning bolalar eko-harakati “Qahramonlar vaqti” va “Kichik eko-qahramon” mukofotining homiysi hisoblanadi. Biz bolalarda tabiatni asrashga bo’lgan munosabatni eng kichik yoshdan o’rgatishga va atrofdagilarga namuna bo‘lishga yordam beradigan bolalar tashabbuslarini qo‘llab-quvvatlaymiz.
Urikguli bilan loyihalar
Dafna bloger va aktivist Urikguli bilan birgalikda ko‘chalarni tozalash bilan shug‘ullanuvchi insonlarga sovg‘a bokslarini topshirish aksiyasini o‘tkazdi. Ushbu harakat o‘zaro yordam muhitini mustahkamlashga va ularning shahar tozaligiga qo‘shayotgan muhim hissasini e’tirof qilishga qaratilgan.
Uylarni ta’mirlash
AIKO va Ona Foundation bilan birgalikda biz jamg’arma himoyasidagi oilalar uchun uylarni ta’mirlab, holatini yaxshiladik. Ushbu tashabbus murakkab hayotiy vaziyatga tushib qolgan ayollarni doimiy qo‘llab-quvvatlashimizning bir qismi bo‘lib, ularning har birida shinam va xavfsiz uy bo‘lishini ta’minlaydi.
Sovg‘a bokslari
Biz Eman va Design Club bilan muhtojlarga mahsulotlardan iborat sovg‘a bokslarini yig‘ish va yetkazish uchun birlashdik. Hatto kichik yordam ham odamlarning kundalik xarajatlarini kamaytirishga va qo’llab-quvvatlashni his qilishga yordam beradi.
Muhtojlar uchun mebel
Dafna jiddiy kasalliklarga chalingan bolalarni tarbiyalayotgan ayollarga mebel sovg‘a qildi. Biz uyni mustahkam qal’a – xavfsizlik, qo‘llab-quvvatlash va qiyinchiliklarga qarshi kurash uchun ilhom manbai bo’lishi kerakligiga ishonamiz. Mebel esa shinamlik va qulaylikda yashash uchun sharoit yaratadi.
Ramazon oyida yordam
Muborak Ramazon oyiga bag’ishlab, Ona Foundation bilan hamkorlikda biz xayriya tadbirini tashkil qildik va himoyamizdagi oilalarga kundalik hayotni yengillashtirish va ular yolg‘iz emasliklarini ko‘rsatish maqsadida maishiy texnika sovg‘a qildik.
“Ayol Kuchi” treningi
Dafna Ona Foundation jamg’armasidagi ayollar uchun “Ayol Kuchi” o‘quv treningini o‘tkazdi. Yaratilgan qo‘llab-quvvatlash va do‘stlik muhiti ishtirokchilarga o‘z qadr-qimmatini his qilishga yordam berdi, spikerlar esa qiyinchiliklarni qanday yengib o’tish va rivojlanish haqidagi bilimlari bilan bo‘lishdilar.